Mendem Blog

Nge-blog kuwe jebule bisa marekna mendem alias mabok. Nek ana blog sing lucu-lucu, kepengine maca baen ben pol ngguyune. Nek ana blog-e wong cerdas, kepengine tetep maca. Ben ilmune nambah.

Lha jebule sing malah marekna mendeme nggilani kuwe nek nduwe blog dhewek. Apa maning nek bloge nganti lima. Apa ora mendem? Nganti ora kober sinau. Ora kober adus. Ora kober turu. Kakehan ngeblog marahi goblog, mambu, karo mriangan.

Nangudzubillah min dzalik. Tobat’o caah..

Pisahan Karo Bojo

Pisahan karo bojo temenan nggawe nglangut. Kaya ra nduwe gawean. Coba ana bojo, ra gaweane akeh, ya ra? Iya. Lha ra ana bojo, ra rame. Ora ana sing nesu. Ora ana sing mesem. Ora ana sing nambahi gawean. Ora ana sing ngesun. Ora ana sing mijet. Ora ana kanca padu. Ora ana kanca gelut.

Bojo kuwe garwa alias ’sigaraning nyawa’. Mangkane nek pisahan marekna dadi kaya wong gemblung. Lha nyawane mung separo. Mikire ya ora trap. Miring. Mandan suwung. Apa maning nek ngerti garwa kuwe singkatan “ketemuning sing sigar karo sing dawa”.. Halah temenan mbok, tambah gemblung. Uwis bubar.. bubar..

Njajal Ngeblog

Alhamdulillah, bisa njajal ngeblog. Seumur-umur dadi wong kuper (kurang pergaulan) lan gaptek (gagap teknologi), kok ya tahan. Ndelok kanca-kanca pada nduwe blog, kok ya dadi kepengin. Mbiyen dak pikir-pikir ngeblog ki ya kancane “goblog” kae. “Go” kuwi artine “lunga”. “Blog” ya “blog”. Punten lo mas-mas seleblog. Lha seleblog top mas Enda bae jeneng’e bloge ya Goblog kok.

Lha ngeblog kuwe jebule ya pegawean to? Lha ana Dasbor, ana Tulis, ana Kelola, nek di-klik ana maning pilihane. Nek diklik pilihane ya ana maning. Lha kok dadi akeh?

Kiye kudu milih tampilan. Kabeh apik-apik. Ning kok kayane tau weruh sing modele kaya kuwe ya? Lha iya wong gratisan kok ya? Aku milih “White as Milk”. Jarene “A very minimal two-column theme for those who love dairy.” Wah kok cocok? Pokoke sing minimal-minimal ki cocok. Wong uteke ya minimal. Trus sing seneng karo gudang susu (who love dairy). Lha apa maning kiye? Wis lah pokoke cocok. Ngombe susu rak mesti kasile dadi apik-apik.

Lha kae kok wis ana tulisan ‘Halo dunia!’. Jarene “Welcome to WordPress.com. This is your first post. Edit or delete it and start blogging!” Ha piye iki.. Edit utawa delete? Waduh.., ngedit mengko dadi salah, wong inyong ra dong basa Inggris. Ndelet kok ya kurang ngajar.., wong wis digawekna apik-apik. Halah wis dijarne baen lah..

Halo dunia!

Welcome to WordPress.com. This is your first post. Edit or delete it and start blogging!